Melbourne: Series ke Iftitahi test mein sharamnaak shikast ko peechay chodney ka azm rakhtay hue qaim maqam captain Ajinkya rahane ki qayadat mein hindustani team ne Boxing test se qabal net session ke douran red ball cricket par apni tawajah markooi karli. Shubhman Gill jinhon ne gulaabii gaind ke warm up match mein 43 aur 65 run banaye thay iske bawajood ibtidayi test mein shaamil nahi kiya gaya tha. Mayank Agarwal ke sath net session mein unhon ne apni salahiyaton ka muzahira kiya hai jis se is baat ka ishara milta hai ke yeh jodi dosray test mein hindustani inning ka aaghaz karsakti hai.
Dosray test ke liye qatee 11 khiladion ka faisla shayad hochuka hai aur 21 sala Gill bhi iska hissa hain. Gill Ranji trophy mein Punjab ke liye kheltay hain aur Adelaide mein do inning mein 0 aur 4 ke score ke mayoos kin muzahiron ke baad prithvi shaw ke maqam par Gill ko inning ke aaghaz ka mauqa diya jasakta hai. Iftitahi maqam ke liye Legendary Sunil gawaskar ki himayat haasil karne walay KL Rahul ne bhi net mein ek taweel practice session guzaraa. Is ke alawa net mein spin All rounder ravinder Jadeja thay jo zakhmi honay ki wajah se pehla test nahi khail paye.
Jadeja net mein ek ghanta ke session mein mojood thay jis ke douran unhon ne apni sourashtra team ke saathi cheteshwar Pujara ko bold kya. Is baat ka ishara hai ke inhen Boxing day test ke liye playing eleven mein shaamil kiya jasakta hai. Captain virat kohli apne pehlay bachay ki paidaiesh ke liye watan wapas hogaye hain jis ke baad rahane ko ab team ki tabdeeli ki dastan raqam karne ke liye mutasir karne ki captani karni hogi.
Practice session ka aaghaz head coach Ravi shastri ne MGK dairay mein khadey team arkaan ko peep talk dete hue kya. unhon ne kaha ke hum Melbourne mein hain aur ab jaisay hi red ball test shuru ho rahay hain aur ab dobarah group ban’nay ka waqt agaya hai. Shastri ne Rishabh Pant ke sath bhi baat cheet ki, jo saha se pehlay net par batting karne aaye thay. Mohammed shami zakhmi hokar series ke baqi muqablon se bahar hogaye lehaza Mohammad Siraj ko Navdeep saini aur shradul Thakur ke sath Rahane ko bowling karte hue dikhaay gaye, kyunkay teesray fast bowler ke daaway ke liye yeh tenu hi saf bandi mein mojood hain.