Brisbane: Hindustani cricket team ke fast bowler Mohammad Siraj ko aaj yahan Brisbane mein khailay gaye chouthay test ke pehlay din bhi australiyai shaiqeen ne nishana banaya aur unke khilaf fuqre bazi ki.
Chand din qabal Sydney mein munaqidah teesray test ke teesray aur chouthay din bhi maidan mein moujood muqami shaiqeen ne Mohammad Siraj ko nasal parasti ka nishana banaya tha jiski unhon ne hukkaam se shikayat ki thi lekin is ke bawajood chouthay test ke pehlay din hi Siraj ko shaiqeen ne nishana banaya. australiyai akhbar Sydney morning herald ki report ke mutabiq Gaba mein cricket shaiqeen ne Mohammad Siraj ko nishana banaya jabkay unke saathi bowler washington ko bhi shaiqeen ne nishana banaya.
Report ke mutabiq sydney mein jis terhan Siraj ko nishana banaya gaya tha isi andaaz mein phir ek martaba yahan bhi Siraj ke khilaaf fiqray baazi ki gayi. Akhbar ne yeh bhi likha hai ke is martaba samjha ja sakta hai ke yeh ek ittafaq nahi tha balkay Sydney cricket ground mein jo kuch hua tha isi ka silsila yahan bhi barqarar rakha gaya.
Yaad rahay Sydney test ke douran jab Siraj ko nasal parasti ka nishana banaya gaya tha to unhon ne hukkaam se shikayat ki thi jis par 10 minute ka khail rok kar shaiqeen mein mojood un sharpasandon ko maidan se bahar kardinhi gon ne tha khilaaf fiqray baazi ki thi jiske baad BCCI ne match refree se iski shikayat ki thi jis par cricket Australia ne is waqea ka sakht note lainay ka taiqun diya aur kaha tha ke sydney cricket ground mein jo shaiqeen is harkat mein mulawis un par mumkina tor par tahyat maidan mein dakhla par pabandi aaed ki jaye gi. alawa azeen ICC ki janib se bhi is waqea ki shadeed alfaaz mein mazammat ki gayi thi.
Hindustani cricket team ke captain virat kohli ke hamrah australiyai captain Tim paine aur coach justin langer ne bhi Sydney waqea ki mazammat ki thi.