Hyderabad: Mohammad Siraj is waqt saaray Hindustan ke liye ek hero ka darja haasil kar chukay hain lekin inhen unhi ke shehar Hyderabad aur muqami cricket association ki janib se hosla afzai nah milnay par cricket shaiqeen mein ek qisam ki narazgi paayi jati hai. Hyderabadi cricket shaiqeen ne social media par jahan Mohammad Siraj ke muzahiron ki dil khol kar tareef ki hai wahein unhon ne hyderabad cricket association (HCA) ke sadar aur hindustani cricket team ke sabiq captain Mohammad Azharuddin par bhi naraaz ka izhaar kar rahay hain.
Hindustani cricket team jisne Australia ko isi ki sarzamen par 4 test muqablon ki series mein 1-2 se shikast day kar tareekhi kamyabi haasil ki jis par BCCI ne foran radd-e-amal jari karte hue team ko 5 crore ke bonus ka elaan kiya.
Doosri janib karguzar captain Ajinkya Rahane ka Mumbai airport aur phir unkay muhallay mein dhol tashon aur riwayati raqs ke sath shandaar istaqbaal kya gaya. Yahi nahi balkay natarajan ko unkay chhootey se dehaat mein faqid ul misaal istaqbaal kiya gaya lekin doosri janib australia ke khilaaf test series mein sab se ziyada 13 wickten lainay walay Mohammad Siraj ko shamshabad airport par HCA ka koi ohdedar ka koi ohdedar khair maqdam ke liye moujood nahi tha.
Abtak sirf telangana ke wazeer sports ki janib se Mohammed Siraj ko tehniyat pesh ki gayi hai jabke riyasati hukumat ki janib se koi elan nahi kiya gaya jiski wajah se bhi Hyderabadi Noujanoun may gham wo mayoosi hai.
Cricket association ke sadar Mohammad Azharuddin ki janib se Mohammad Siraj ko taziyati pegham bhi rawana nah karne ko bhi tanqeed ka nishana banaya ja raha hai kyunkay bollywood star dharmindar ne Mohammad siraj k australia apne waalid ki qabar par Fatiha khawani ki tasweer par tweet karte hue jahan ek janib Siraj ko Hindustan ka fouji qarar diya wahein unke waalid ki mout par gehray ranj ka izhaar kiya jiske baad hyderabadi noujawana may shaded ghussa hai kyunke unka manna hai k eek filmi shaksiyat jo ke Hyderabad bhi nahi hai wo siraj ke liye paigham rawana karsakte hai to phir azharuddin ek bayan tak koi jari nahi kiya ye sawal kiya jaraha hai.