Osaka: Hindustani Wazeer-e-Azam Narendra Modi ne American sadar Donald Trump ke sath yahan do Tarfah muzakeraat kiye. Modi ne sab se pehlay haliya intikhabaat mein mili kamyabi par mubarak bad dainay ke liye Trump ka shukriya ada kiya. Modi ne Trump se kaha Hindustan mein siyasi istehkaam ke liye himayat dene walay intikhabaat ke fouran baad hamein mubarakbad dainay ke liye mein aap ka shukriya ada karna chahta hun. America aur Hindustan ke darmiyan muzakeraat mein Iran aur difaa sameit deegar masail par bhi baat cheet honi chahiye. hum America ke sath taweel mudati taluqaat ke liye pur-azm hain. American sadar ne kaha hum fouj sameit kayi mamlaat par ek sath kaam karenge, aaj hum tijarat par bhi baat cheet karenge. unhoun ne is haqayiq par zor dete hue kaha ke hindustan. America ko ek taweel rasta tey karna hai aur guzashta chand barsoun mein dono mumalik qareeb aeye aur mazboot hue hain.
Hindustan aur America ache dost bangaye hain aur hamaray mulk kabhi bhi itnay qareeb nahi rahay hain. mein yakeeni tor par yeh keh sakta hun. parlimani intikhabaat mein shandaar kamyabi ke liye Modi ko mubarakbaad dete hue Trump ne kaha aap is ke qabil hain. aap ne logoun ko muttahid karne mein bohat acha kaam kiya hai. mujhe yaad hai ke jab aap ne pehli martaba Iqtidaar sanbhala tha, tab kayi giroh they aur woh ek dosray ke sath ladh rahay they aur ab woh sath hogaye. yeh aap aur aap ki salahiyaton ke liye ek shandaar inaam hai. Modi aur japaani Wazeer-e-Azam shezo abay ke sath hue sah firiqi muzakeraat ka zikar karte hue, Trump ne kaha hum ne kamyaab muzakraat kiye aur bohat jald hum tijarat aur lain deen ka elaan karne ja rahay hain .
Yaad rahay ke Wazeer-e-Azam Narendra Modi ne jumme ko apni safarti mulaqaton ka silsila jari rakha aur asia sameit duniya ke kayi badey leadron se mulaqaat ki. Modi ne G20 chouthi conference se alehda junoobi Korea ke sadar Moon Jae-in aur Saudi arab ke wali ehad shehzada Mohammad bin Salman bin Abdul Aziz al Saud se bhi mulaqaat ki. Wizarat-e-kharja ke tarjuman Raveesh kumar ne Tweet kiya Wazeer-e-Azam Narendra Modi ne G20 chouthi conference se allag Saudi arab ke walii ehad shehzada Mohammad ban Salman ban abdalaziz all Saood se mulaqaat ki. Modi ne hamaray ahem astritjk ittihadi Saudi arab ke sath tijarat aur sarmaya kaari ke shobay mein taawun badhaane ke talluq se baat cheet ki. dono leadroun ne tawanai ke tahaffuz aur dehshat gardi ke khilaaf ladai ke muamlay par bhi baat ki. –YTN STAFF