Uttar pradesh : Markazi wazeer-e-dakhla Raaj nath singh ne aaj kaha ke modi hukumat ki maqboliat se khauf ho kar oppostion jamaaton ne Maha gath bandhan ( azeem ittehaad ) banaya hai lekin inhe yaqeen hai ke awaami himayat Bharatiya janta party ke haq may hi rahay gi.
Mr singh ne aaj utar pradesh ke Gautam budh nagar may central industrial security force ( CISF ) ke camp mein Kendriya vidyalay ki bunyaad rakhnay ke mauqe par sahafiyon se sath baat cheet mein kaha ke oppostion partiyan BJP ki maqbooliat se khauf zadah hai.
Isi khauf ke sabab unhon ne azeem ittehaad qayam kiya hai lekin logon ka etemaad modi hukumat may hai aur inhe yaqeen hai ke awaami himayat BJP ke haq may hi rahay gi.
Congress ki qiyadat wali hukumat ke douran hone wale ghotaloun ka zikar karte hue unhon ne kaha ke inhe hukumat ke liye kisi tarha ka challenge nazar nahi araha hai .