Lucknow : Wazeer-e-Azam Narendra Modi ke maghribi bangal mein All India Trinamool Congress ke 40 arakeen assembly ke apne raabtey mein honay ke daawa ke baad Modi ko tanqeed ka nishana banatay hue Akhilesh yadav ney kaha ke yeh misali zabita e ikhlaq ki khuli khilaaf warzi hai aur jiske Padaash mein unpar 72 ghanton ki nahi 72 saal ki pabandi aed kar dainee chahiye.
SP sarbarah ney Wazeer e Azam ke zareya maghribi bangal mein diye gaye bayan par unki sakht tanqeed karte hue apne Tweet mein likha taraqqi pooch rahi hai, Wazeer e Azam ka sharamnaak khitaab suna kiya? Sawwa sau Crore mulk ke logon ka bharosa khokar ab woh bangal ke 40 arakeen assembly ke mobayyana party badalny ke ghair akhlaqi bharoosay tak simat gaye hain. SP sarbarah ney agay mazeed likha yeh woh nahi kale dhan ki zehniat bol rahi hai. iske liye unpar 72 ghanton ka nahi 72 saal ki pabandi aed ki jani chahiye. Qabil-e-zikar hai ke maghribi bangal ke zila Halgi mein munaqqid ek intikhabi rally mein maghribi bangal ki chief minister Mamta Banerji ko mukhatib karte hue kaha tha ke tumahray 40 arkaan-e-assembly mere rabita mein hain. unhon ney yeh bhi kaha ke
Didi 23 May ke baad har janib kamal khulayga aur ab tumhara bachna mushkil hai. –YTN STAFF