New Delhi : Wazeer-e-azam Narendra Modi neh doosri martaba iqtedar sambhalne ke pehlay hi din kabina ka ijlaas talab kiya jis mein pradhan mantri Krishi sammaan nidhi Yojana ka faida mulk ke sabhi kisanoun ko dainay aur chotey kisanoun ke liye pension scheme shuru karne ka faisla kiya. pehlay pradhan mantri kisaan sammaan nidhi Yojana ka faida do hectare tak zameen walay kisanon ko milta tha lekin ab sabhi kisanon ko uska faida mileyga.
Sammaan nidhi ke tehat sabhi kisanon ko salana 6000 rupiye ki raqam di jaegi. pehlay is scheme ke tehat saadhay baara crore kisanon ko faida milta lekin ab saadhay chodan crore kisaan is se mustafiz hunge. rawan maali saal mein is mad mein sarkari khazanay par 87217 crore 50 laakh rupiye ka bojh padega. dosray ahem faisla se chotey kisanon ko pension scheme ke tehat 3000 rupiye mahana pension ka faida mileyga. 18 se 40 saal ki Umar tak ke kisaan kam az kam 55 rupiye mahana ki qist jama karkay is scheme se munsalik hosakte hain. hukoomat bhi qist ki itni hi raqam apni taraf se jama karayegi. scheme se munsalik honay walay kisanon ko 60 saal ki Umar ke baad pension milni shuru hojayigi. kisaan chahain to barah-e-raast pradhan mantri kisaan sammaan nidhi se bhi apni qist day sakte hain. pension haasil kar rahay kisi kisaan ki mout honay par nisf pension uski biwi ko mileygi. hukoomat neh teen saal ke douran paanch crore kisanon ko uskay dairay mein laane ka hadaf muqarrar kiya hai .
Kisanon se mutaliq teesray faisla mein hukoomat neh maweshion ki bemari ki rok thaam ke liye poooray mulk mein teeka kaari ki muhim shuru karne ka faisla kiya hai. is ke tehat 51 crore maweshion ko teekay lagaye jayenge. iska poora kharch markazi hukoomat bardasht karegi aur teeka poori tarhan se muft hoga .
Is ke alawa mulk bhar ke chotey taajiron ko 3000 rupiye mahana pension dainay ka bhi elaan kiya gaya hai. is faisla se taqreeban teen crore chootey taajiron ko faida hoga. is scheme ke aam zaabtay ghair munazzam shoba ke mulazmeen ke liye elaan kardah pension ki tarhan hunge. taajiron ko 60 saal ki Umar par 3000 rupiye mahana pension mileygi .
Hukoomat ki is scheme mein daidh crore rupiye tak ka salana kaarobar karne walay sabhi dukandaar aur apna karobar karne walay log shaamil hosakinge. scheme mein shaamil honay ki Umar 18 se 40 saal hogi aur mulk bhar mein teen laakh 25 hazaar aam service centers ke zareya scheme mein registration karwaya ja sakta hai .
qabal azeen, Modi hukoomat neh doosri baar iqtedar sambhalne ke baad pehla faisla mulk ke tahaffuz ke liye apni jaan ki qurbani dainay walay shaheedon ke varisa ke liye kiya jis mein unkay bachon ko diye janay walay wazifa ki raqam mein izafah karne ke sath askriat pasandon ke hamla mein shaheed hue police jawano ke bachon ko bhi is ke dairay mein laya gaya. is scheme ke tehat shaheedon ke betoun ko di janay wali 2000 rupiye mahana ki raqam badha kar 2500 aur betiyon ko di janay wali raqam 2250 rupiye se badhhakar 3000 rupiye mahana ki gayi hai. shaheed honay walay police jawano ke bachon ko bhi is ke dairay mein laya gaya hai . har saal 500 police jawanu ke bachon ko yeh wazifa diya jaayegaa . –YTN STAFF