New Delhi: Wazir e Azam Narendra Modi ney pehlay marhalay ke intekhabaat ke qareeb anay ke sath intekhabi muhim teez kar di hai aur woh Odhisha ke zila Kalahandi ke Bhavan, Patna ke sath sath Bihar mein Gaya aur Jamui mein bhi rellyon se khitaab karen ge.
Odisha mein Lok Sabha aur Assembly intekhabaat aik sath honay walay hain. Aik janib Riyasat mein aik taraf Biju Janata Dal panchwin martaba hukoomat bananey ke sath ziyada se ziyada Lok Sabha nashistain jeetney ke liye nai nai hikmat e amli bana rahi hai to wahein doosri taraf BJP bhi yahan ziyada se ziyada nashitain jeetnay ki koshish kar rahi hai.
Yahan intekhabaat 11 April se chaar marahil mein Lok Sabha ki 21 nashiston aur 147 Siton wali Assembly ke liye aik sath raye dahi hogi. Phelay marhala ke tehat Kalahandi, Koraput, Berhampur, aur Nabarangpur Lok Sabha Siton ke le vote daaley jayen ge.
Modi ney Video Conferencing ke zareya Chokidaar muhim programme mein kaha tha ke is martaba BJP Odhisha mein Lok Sabha aur Assembly dono intekhabaat mein badi taaqat ban kar ubhray gi. Is martaba Odisha Mulk ko herat mein daal dey ga, yeh dosra Tripura ban sakta hai.- YTN STAFF