Hyderabad : Amrici sadar Donald Trump ki janib se hindustani wazeer-e-aazam Narendra Modi ko ”Father of India” kahe janay par, AIMIM ke saddar wo rukan-e-parliment Hyderabad Asaduddin Owaisi ne is ki mukhalfat ki hai.
Asad Owaisi ne kaha ke’ ‘ Donald Trump ko Hindustan aur Mahatma Gandhi ke baray mein kuch maloom nahi hai, woh nahi samajh sakte ke Mahatma Gandhi ka is mulk mein kiya rule hai. aisay mein Trump ki janib se wazeer-e-aazam Narendra Modi ko ”Father of India “ ( baba-e-qoum ) bataye janay ko sanjeedgi se nahi lena chahiye.
Owaisi ne kaha ke ”Modi ka Mahatma Gandhi se mawazna hohi nahi sakta hai. Asad Owaisi ne hyderabad mein ek press conference ke douran yeh baat kahi. Asad Owaisi ne kaha ke ”Mahatma Gandhi ko baba-e-qoum ka khitaab is liye mila, kyunkay unhon ne apne qaoum se yeh aizaz haasil kiya tha, aur logon ne unki qurbanion ko dekh kar inhen yeh khitaab diya tha, istarah ke khitaab diye nahi jatay, balkay apne kaam se haasil kiye jatay hain.
Wazeh hoke mangal ko New York mein wazeer-e-aazam Narendra Modi aur Amrici saddar Donald Trump ke darmiyan mulaqaat hui thi. is douran ek press conference mein Trump ne Modi ki tareef karte hue inhen ”Father of India“kaha tha. –YTN STAFF