Lacknow: Uttar Pradesh ke mumlikati wazeer mehnat Raghuraj Singh ne ek bayan day kar tanaza peda kardiya hai ke wazeer azam Narendra Modi aur UP ke wazeer aala Yogi Adityanath ke khilaaf naaray laganay waloun ko ” zinda dafan kiya jayega’. Unhoun ne ye bayan itwaar ke roz Aligarh mein sheriyat tarmeemi qanoon ( CAA ) ki himayat mein ek rally se khitaab karte hue kiya.
Unhoun ne dhamki dete hue kaha ”Agr aap wazeer aazam Narendra Modi aur wazeer aala Yogi Adityanath ke khilaaf naaray baazi karte hain to mai aap ko zindah dafan kar doun ka“. Un ka ishara shehriat tarmeemi Act ( CAA ) ke khilaaf Aligarh Muslim University ke talba ke ehtijaj ki taraf tha. Talba ne apne muzahiroun ke douran wazeer aazam Narendra Modi aur Uttar Pradesh ke wazeer aala Yogi Adityanath ke khilaaf naaray baazi ki thi.
Wazeer Raghuraj ne kaha ”in mein se sirf ek fisdi shehri, Shehriat tarmeemi Act ki mukhalifat kar rahay hain. Ye loog Hindustan mein rehtay hain aur hamaray Tax ka khatay hain aur phir siyastadanoun ke khilaaf naaray lagatay hain. Ye tamam mazahab ke logoun ka mulk hai, Lekin wazeer aazam aur wazeer aala ke khilaaf naaray qubool nahi kiye hain.
Bataden ke, Itwaar ke roz Bengal BJP ke sadar Dilip Ghosh ne bhi ek mutanazia bayan diya hai. Unhoun ne kaha ke ”Jo bhi awaami amlaak ko nuqsaan pohanchata hai, usay BJP ki hukmarani wali riyasatoun ki terhan goli mardi jani chahiye. Bengal ke Nadia zila mein ek rally se khitaab karte hue Ghosh ne wazeer aala Mamata Banerjee ko ”Goli maarne aur lathi charge karne ka hukum nah dainay“ par tanqeed ki. –YTN STAFF