Monday, June 2, 2025
HomeIndiaModi ab chowkidar nahi, twitter account mein phir tabdeeli

Modi ab chowkidar nahi, twitter account mein phir tabdeeli

New Delhi:  Aam intikhabaat mein NDA ki haeran kan kamyabi ke baad ek  taraf jahan BJP aur is ki mahleef jamaaton mein jashnn ka mahol hai, wahein oppostion partiyan apni shikast ko qubool karne ke liye majboor ho rahi hain. isi darmiyan  Wazeer e Azam Narendra   Modi  ney apne twitter account  se lafz Chowkidar hata diya hai. sath hi unhon ney un logon se bhi apne apne twitter account   se Chowkidar  lafz hataane ki guzarish ki hai jinhon ney unki intikhabi muhim mein shaamil hotay hue Chowkidar  lafz ka izafah kiya .

Apne Tweet mein Modi  ney likha hai ke ab waqt aa gaya hai ke Chowkidar  walay jazba ko agli satah tak le jaya jaye. is jazba ko Hindustan ki taraqqi ke amal mein hamesha barqarar rakhiye. Chowkidar  lafz mere twitter se hatt gaya hai lekin yeh mere dil mein hamesha rahay ga. aap bhi is par amal kiijiye. Narendra   Modi  ney apne ek  deegar tweet mein yeh bhi likha ke Hindustan ki awam ney Chowkidar  ban kar mulk  ke liye ek  behtreen kaam kiya hai. Chowkidar  ab ek  taaqatwar alamat ban chuka hai .

Wazeh rahay ke congress sadar Rahul gandhi ke zareya Chowkidar  chor hai nara diye jaaney ke baad kaafi mansoobah band tareeqay se Narendra  Modi  ney mein bhi Chowkidar  muhim shuru ki thi. is muhim ke tehat unhon ney jaisay hi apne twitter account  par naam mein Chowkidar  lafz ka izafah kiya is ke foran baad Modi  kabeena mein shaamil kayi wazraa aur BJP qaideen wo karkunan ney bhi apne twitter account  par naam mein Chowkidar  lafz jod liya tha. hatta ke BJP qaumi saddar Amit Shah , Raj nath singh, Smriti irani aur sushma swaraj jaisi leadron ney bhi apne twitter account  par Chowkidar  lafz jod liya tha. ab jab ke Modi  ney twitter account   se Chowkidar  lafz hata liya hai to batadreej deegar logon ke darmiyan  bhi yeh silsila shuru ho gaya hai. Amit Shah , Smriti irani, Sushma swaraj aur Rajnath singh ney bhi apne twitter account   se Chowkidar  lafz hata diya hai aur yeh silsila hunooz jari hai jaisa ke BJP ke kayi kaarkunon ney twitter account se lafz Chowkidar  ko hazf karna shuru kardiya hai. -YTN STAFF