Hyderabad : America ki Maroof university, Missouri state university jis ka qiyam 1905 mein amal mein aaya aur yeh riyasat Missouri mein doosri sab se badi university tasawwur ki jati hai is ne –apne MS aur DS talba ke liye aalamia jari kiya hai jis ke bamuwajib computer science programme mein dakhloun ka aaghaz kardiya gaya hai .
Mazkoorah courses mein dakhla ke liye 30 April aakhri tareekh muqarrar ki gayi hai aur is ke sath yeh bhi elaan kiya gaya hai ke Missouri state university –apne talba ko jo ke MS aur BS mein dakhla haasil karenge inhen Scholarship bhi faraham ki jaye gi. aalmi report jo ke US news ki janib se kiye gaye surway ka nateeja hai is mein mazkoorah university ka duniya mein 32th maqam hai .
University ke vice chancellor Brayde Bowdern Hassen naay tafseelaat batatay hue kaha ke MS aur BS computer science programme mein talba ko raast tor par autonomous robotic aur complex system ( ARCS ) laboratory, multi media and communication system( MUSS) laboratory ke alawa data mining, multi media mein bhi kaam karne ka raast mauqa miley ga .
Dakhla ki sharait mein umeedwaroun ka bachelor degree mein 2. 75 ya 4. 0 GPGAR, mein kam az kam 290 ka score, online darkhwast ke liye 60 dollar fees ki adaigi, ek sala maali taawun ke liye zarori dastawizaat ki farahmi ke alawa TOEFl . IBT mein 79, IELTS mein 6-0 score ya phir university ke hi english language institute ke chhatay grade mein kamyabi zurori hai aur yeh tamam english mein mahaarat ke imtehanaat hain. university ki janib se international excellence Scholarship jo kay DS talba jinhon naay 1160 ya is se ziyada ya phir act 24 may kamiyabi haasil ki ho inhen salana 7500 American Dollars jabkay MS ke talba ke liye jinhon naay CGPA mein 3. 25 se ziyada score kiya hai inhen 2500 Americi dollar salana Scholarship bhi di jaye gi. mazeed tafseelaat ke liye http://international.missouristate.edu/seasia