Cairo: Misri ki qaumi Airlines ki janib se kaha gaya hai ke yakam July se Dubai Abu Dhabi aur Sharjah ke liye parwaze bahaal kar di jayen gi. Deegar shehroun ke liye parwazoun ki bahaali ka elaan har mulk ke mutaliqa hukkaam ki manzoori ke baad kiya jasakay ga.
Media reports ke mutabiq Egypt Air neh apni Website par jari bayan mein kaha hai ke yakam July se 7 July tak Sharjah, Abu Dhabi, Athens, Addis Ababa, Erbil, Amsterdam, Paris, Berlin , Brazil, Beirut, Toronto, Dubai, Rome, Frankfort, London, Milan, New York aur Washington ke liye parwazein shuru kar di jayen gi.
Egypt Air ne tavajja dilae ke 8 se 14 July ke darmain Baghdad, Geneva, Ke liye parwazein bahaal ho jaien gi jabkay 15 July se Barcelona aur Madrid ke liye parwazein shuru ki jayen gi. Egypt Air ke bamujab jin logoun ne 15 June se qabal booking karwai thi ya Reservation karwaya tha wo yakam July se 15 September tak ki muqarara parwaazoun ke liye Re-confirmation karwalen.