Cairo: Misri wazeer e sahet Hala Zayed ney kaha hai ke Coronavirus International Vaccine ki 30 Million khoraak Book ki hain. Al Misry Al-Youm ke mutabiq Misri wazeer e sehat ney kaha ke Oxford University Bartania mein AstraZeneca company ki shiraakat se corona vaccine bananay ki tayariyaan kar rahi hai. Apne yahan vaccine products unit qaim karne ke liye Misri Pharma company ke ohdedaroun se baat cheet ki hai. Hala Zayed nay mazeed kaha hai ke Misar nay 400 million vaccine mein se 30 million apne liye Book ki hain. Ye vaccine September mein tayyar hogi.
Misri wazeer e sahet neh kaha kay Misar bar-e-azam Africa mein vaccine tayyar karne walay ahem mulkoun mein se ek hai. Hala Zayed neh ye bhi kaha ke Misri Pharma company neh vaccine ki tayari ke liye dastawizaat pesh kar di hain. Dawa saaz company ke sath mushtarqa copy right ki baat cheet hui hai. Misri wazeer e sahet ke mutabiq Misar mein guzashta dinoun coronavirus ki shiddat badi had tak kam hogayi hai. Masnoi tanaffas ke alaat ke mamlaat ki sharah 95 feesad se ghatt kar 20 feesad taq reh gayi hai.