Cairo: Misar ki wizarat sayahat ne kaha ke hifzaan sahet se mutaliq Certificate milnay ke baad mulk mein 266 hotels aur Resorts dobarah khuil gaye hain. Hifzaan sahet se mutaliq Certificate coronavirus ke philav ko roknay ke liye ek nai zaroorat hai.
Misri akhbar Al-Ahram Online ke bamujab hotels ne aalmi idaara sahet ki guidelines ke mutabiq wizarat ki taraf se muqarrar kardah naye zawabit ko poora karne ke baad Certificate haasil kiya hai. Naye qawayed-o-zawabit mein Sanitizing aur Hotel ki booking main 50% tak kami lana lazmi hai. Yaad rahay ke Misri hukoomat ne yakam July se tamam Airports ko baqaida bain ul aqwami parwaazoun ke liye kholnay ka elaan kiya hai jabke mulk mein sayahat ku mehdod rakha jaye ga. Ghair mulki sayaho ko sirf janoobi Sinai , Bahera Hamer Governorate aur South Marsa main dakhelay ki ijazat hogi.