Cairo: Misar mein ek 22 sala shakhs ne mobayyana tor par 100 se zayed khawateen ko jinsi harasa kiya. Social Media par hukkaam se kaha ja raha hai ke wo un ilzamaat ki tehqiqaat shuru karen. Tafseelaat ke mutabiq ye ilzamaat Twitter par Cairo ki American University ke 100 talbِ ilmoon ki janib se ayed kiye ja rahay hain.
Talba ko harasan aur blackmail karne wala ye shakhs is University mein khud bhi zair taleem reh chuka hai. University intizamia ke mutabiq is shakhs ( jis ka naam zahir nahi kiya ) ne 2018 mein University choari. Intizamia ne ye bhi kaha hai ke wo sab ke liye mehfooz mahol bananay ke liye pur azm hai aur jinsi harasani ko bardasht nahi kiya jaye ga.
Ek khatoon ne kaha ke is shakhs ne un par aur un ki behan par is waqt jinsi tashadud kiya jab wo dono 13 aur 14 saal ki theen. Aur un ko dhamki di ke agar unhoun ne baat nah maani to wo dono ki tasaveer ko nazebah bana kar ke aam kar day ga.
Ek aur Taliba ne kaha ke mazkoorah shakhs ne inhen harasan kiya, Un ka peecha kiya aur inhen dhamki di ke wo is ke khandan waloun ko betaye ga ke un ke is ke sath najaaiz taluqaat they. Taham Taliba ne kaha hai ke aisa kuch nahi tha.
Taliba ne likha hai ke wo inhen apni baten manwane ke liye blackmail karna chahta tha. Ek aur khatoon ne kaha ke is shakhs ne bachpan hi se khawateen ke sath aisa sulooq rakha hai aur talba ki janib se shikayaat ki wajah se usay musalsal school tabdeel karna padte they.
Unhoun ne ye bhi bataya ke mazkoorah shakhs ke waalid ne apne assar-o-rasookh ke zariye Misar aur beroun mulk ke schools mein is ke dakhlay karwaye taakay wo apni taleem mukammal kar sakay. Khatoon ne mazeed kaha ke jab ye shakhs Cairo ki American University aaya to is ne khawateen ko harasan karna jari rakha. Wo khawateen se dosti karta aur phir apne khandani wala mein un par tashadud karta tha.
Talbat ke mutabiq mazkoorah shakhs mobayyana tor par un waqeat ki tasaveer bhi laita tha taakay un khawateen ko blackmail kar sakay. Rawan haftay ke Awail mein khawateen ke ek group ne Instagram par Assault Police naam ka ek group banaya jis ke zariye unhoun ne mazkoorah shakhs ke khilaaf ab tak daidh so ilzamaat ikhatay kiye hain aur mobayyana tashadud ka nishana ban’nay wali khawateen se bayanaat liye hain.
Is Group ne wo text aur voice massages bhi jama kiye hain jo ke is shakhs ne mobayyana tor par un mein se kuch khawateen ko beje they. Social Media par is shakhs ki giraftari ke mutalbe par ye baat bhi samnay aayi ke kuch arsa pehlay university mein ek esmatraizi karne walay ke mojood honay ki afwahen theen taham is waqt baaz logoun ne kaha ke mazkoorah shakhs zehni bemari ki wajah se zair-e-ilaaj tha aur is terhan ke ilzamaat usay khudkushi ki taraf le jayen ge.
Ibtidayi ilzamaat samnay anay ke baad mazkoorah shakhs Spain ke shehar Barcelona muntaqil ho gaya tha. Kuch logoun ne kaha hai ke is shakhs ke waalid ne ilzamaat laganay wali khawateen ko dhamki di jis ke baad un khawateen ne is ki nai University se rabita kar ke inhen mazkoorah shakhs ki dhamkioun ke screen shots dekhaay. Baad azan mazkoorah shakhs ko nai University se moattal kar diya gaya tha.
Rawan hafta ek aur ilzaam samnay aaya ke is shakhs ne ek ladke par bhi jinsi tashadud kiya tha. Misar Media ke baaz idaroun ne kaha hai ke is maamla mein tehqiqaat shuru kar di gayi hain. Parliaman ke membar Mohammad Fawad Attorny General ko is muqadma ki janib tavajja dainay ki darkhwast ki aur sarkari istighasa ko ilzamaat par tehqeeq karne ke liye kaha.