Cairo: Misar ne tamam mumalik ke liye visa fees 25 dollar muqarrar ki hai jabkay Sharm El-Sheikh fees se mustasni hai. Arab idaara sayahat neh kaha hai ke visa fees 25 Misar Dollar jaany walay har fard se li jaye gi. Is ka talluq sirf GECC mumalik ke shehrioun se nahi hai. Tafseelaat ke mutabiq Arab idaara sahet ke sarbarah Dr Bandar Al Fahed ne kaha ke 25 dollar fees se un mumalik ke shehri mustasni hain jin ke sath Misar neh fees nah lainay ke dotarfah muahiday kiye huve hai.
Al Fahed ne kaha ke Sharm El-Sheikh shehar jane wali parwazoun ke kisi bhi musafir se koi fees nahi li jaye gi. Misar is hawalay se har terhan ki fees mukammal tor par khatam kiye huve hai. Unhoun ne mazeed kaha ke Misri hukoomat Arab sayaho ko Airport se wapsi tak tamam zurori saholaten faraham karne ki policy par gamzan hai. Ilawa azeen misar mein rahaish aur sayahati programs ke tamam package sab ki dastarus mein hain.
Arab idaara sayahat ke sarbarah ke bamujab tamam Arab mumalik Arab sayaho ko jumla saholaten hatta Al imkan faraham karne ki policy par gamzan hain. Arab mumalik chahtay hain ke Arab shehri ek dosray ke yahan ayen aur bain ul Arab sayahat ko farogh den.