Nalgonda- Miryalaguda ke saakin janab Mohammad Khan (70) ka baad adayee e Hajj Makkah Mukramah mein qalb par hamla ke baayis inteqaal hogaya. Yahan mausula it-tila-aat ke mutabiq woh manasik Hajj ki adayee ke baad Makkah Mukramah wapas lout gai thae ke un ke qalb par hamla huwa. Unhen qareebi Hospital muntaqil kiya gaya tab tak un ki rooh qafas e unsari se parwaaz kar gayi. Un ke psmandagan mein 7 betay aur 4 betyan hain. Un ka khandan Sitaram Puram, Miryalaguda mein muqeem hai.