Hyderabad : Itwaar ki shaam shehar ke Ameerpet metro station ki satah ki deewar se palaster ke tukde girney se ek 24 sala khatoon ki mout waqay ho gayi.
Police ke mutabiq 24 sala khatoon Monika Metro Station par khadi thi ke uskay oopar deewar ke tukde giray. iske sir mein shadeed choth aayi aur woh is jagah gir gayi.
Muqami logon aur Metro Rail ke ehalkaron nay usay niji hospital mein daakhil karvaya, jahan ilaaj ke douran is nay dam todh diya. SR nagar police nay muqadma darj karkay tafteesh ka aaghaz kar diya hai. –YTN STAFF