Hyderabad: Ameerpet taa Hitec city Hyderabad Metro rail ki khidmaat ke aaghaz ke dosray din hi Hyderabad metro rail ltd neh station se dafatir aur gharon tak musafireen ko pohanchanay ke liye E-Autos mutaarif karne ka elaan kya hai. Hyderabad mein Metro rail ki khidmaat ke aaghaz ke baad yeh masla bhi dekha gaya hai ke railway station se dafatir ya makanaat taq musafireen ke liye rasai ka behtar intizam nahi hai jis ke liye arbab majaz neh station se doosri manzil tak pohanchanay ke liye E-bikes, riwayati bikes aur car faraham ki hain lekin kayi stations par abhi bhi aakhri manzil tak awam ko pohanchanay ke liye deegar sahuliyaat dastyab nahi hain .
E-Autos faraham karne ke elaan ke baad jo tafseelaat jari ki gayi hain is mein das stationon par E-Autos faraham kiye jayenge aur un stationon mein JNTU college Kukatpally housing board, Erragadda , sri nagar, Dilsukh nagar Victoria memorial, Habshiguda, Khairtabad, Durgamcheru aur Hiteccity qabil-e-zikar hain. E-Autos maholiyaat dost honge aur yeh mukhtalif agencio ki janib se apni khidmaat faraham karenge. ibtidayi marhalay mein chand stations par E-Autos faraham kiye jayen ge jis ke baad un ki dairay karkardagi mein mazeed izafah kya jaye ga .
E-Autos se khidmaat faraham karne ka asal maqsad station se dafatir aur makaan tak musafireen ko aaraaam da sawari faraham karna hai. yeh autos teen nishistoun ya paanch nishistoun walay honge aur un autos mein GPD system bhi rahay ga jis se musafireen ko yeh itminan hoga ke woh jis auto mein safar kar rahay hain is ki nigah dasht ki ja rahi hai. alawa azeen un autos ko chalanay walay drivers ke liye makhsoos uniform bhi faraham kya jaye ga. E-Autos mein help line bhi dastyab rahay gi jis ke zariye musafireen apni shikayaat darj karne ke alawa madad bhi haasil kar saken ge .
Help line faraham karne ka ek aur maqsad yeh hai ke auto drivers ke musafireen ke sath bartav ko dostana banana hai. help line ke zareya musafireen auto drivers ki janib se ziyada kiraya, badtameezi aur deegar shikayaat ko bhi darj karwa saken ge. E-Autos ki khidmaat faraham karne ke liye agencies ke liye jo tafseelaat faraham ki gayi hain un mein sab se pehlay to is agency ko tarjeeh di jaye gi jo fi kilometer sab se kam kiraya wusool kare gi aur sath hi sath electricity charging aur deegar zurori infrastructure ko faraham karne ki tamaniat day.