New Delhi: Delhi ke wazeer aala Aam Aadmi Party ke sarbarah Arvind Kejriwal ne mangal ke roz kaha ke un ki party ka maqsad bad unwani ko shikast dena, Aur Delhi ko agay lijana hai, Jabkay opposition jamaatoun ka maqsad inhen shikast dena hai. Hindi mein ek Twit mein, Kejriwal ne kaha ke ladai doosri partiyoun aur Aam Aadmi Party ke zareya kiye gaye kamoun ke darmain hai.
Unhoun ne kaha ke ”Ek taraf BJP, JD ( U ), LJP, JJP Congress aur RJD hain. Doosri taraf school, hospital, pani, bijli. Khawateen ke liye muft Bus service hai. Mera maqsad bad unwani ko shikast dena hai. Lekin un ka maqsad mujhe shikast dena hai.
Delhi mein aindah Assembly intikhabaat ke liye BJP, JD ( U ), LJP, Congress aur RJD, Apne umeed waar khaday kar rahay hain. BJP ne JD ( U ) aur LJP ke sath moahida kiya hai, Jabkay congress aur RJD ittehaad mein hain. Delhi mein 8 feb ko Assembly intikhabaat ho rahe hain. Arvind Kejriwal ne mangal ko apna parcha namzadgi daakhil kiya.
Kejriwal nai Delhi ki nashist se Assembly intikhab lad rahay hain. Ye nashist Kejriwal ke siyasi career ke liye ek ahem break saabit hui hai. 2013 mein, Kejriwal ne apni zindagi ka pehla intikhab ladte hue is waqt ki wazeer aala aur congress ki Senior rehnuma Shela Dixit ko shikast di thi. Is ke baad 2015 mein unhoun ne BJP rehnuma Nupur Sharma ko shikast di thi. –YTN STAFF