New Delhi: Delhi high court ney kashmiri leadroun, Mehbooba Mufti, Farooq abdullah aur Omar Abdullah ko lok sabha intikhabaat mein hissa lainay par pabandi laganay ki maang wali awaami darkhwast ( PIL ) ko kharij kar diya hai.
Justice Ravinder Bhatt ki qayadat wali bench ney darkhwast guzaaro advocate Sanjeev kumar ko election commission se rabt karne ko kaha. jis ke baad darkhwast guzaar ney apni darkhwast wapas leli .
Adalat jummerat ko is darkhwast par samaat kar rahi thi. jis mein aam intikhabaat mein National Conference aur Peoples Democratic party PDP par pabandi laganay ki baat kahi gayi thi .
Darkhwast guzar ney apni darkhwast mein kaha ke un leadron ko intikhabaat mein hissa lainay ki ijazat dena jamhoriat ka mazaq udane ke misdaaq hoga. kyunkay yeh log khulay aam mazhab ki bunyaad par mulk ki taqseem ki maang karte hain. aur do wazraye aazam ki maang kar rahay hain. Ek Hindustan ke liye aur ek jammu aur Kashmir ke liye .
Darkhwast guzaar ney adalat ko bataya ke National Conference ke sadar Farooq Abdullah aur unke betay Omar Abdul Allah ka bayan, wazeer-e-aazam aur sadar riyasat Kashmir , na qabile qubool hai. Mehbooba Mufti Farooq Abdullah aur Omar Abdul Allah ke bayanaat hindustani qanoon ke khilaaf hain. is liye adalat wo Election Commission ko unkay lok sabha mein dakhlay ke liye shartain laago karna chahiye .- YTN STAFF