Medak: Medak ka church jo kay junoobi Asia ka dosra sab se bara church hai is mein Christmas ke mauqa par tayyariyan urooj par hain. Ghuroob-e-aftaab ke baad church ka nzarah aisay lag raha hai jaisay kisi dulhan ko tayyar kiya gaya ho.
church mein honay wali taqrebaat ke liye wasee intizamaa kiye gaye hain. muntazmeen bishop Raj ki sarparasti mein tehwar ki intizamaa ki nigrani kar rahay hain taakay yeh yakeeni banaya jasakay ke Christmas ka ihtimaam munasib andaaz se hojaye.
church Roshan hai aur is saal ke Christmas ke alawa khusoosi MLA Padma devendar reddy ne khusoosi street lights ka iftitah kiya. Is se church ke ihatay mein Khushgawar mahol ban chuka hai. muqami sunday school mein Christmas se pehlay ki taqrebaat ka ihtimaam kiya gaya tha aur is programme mein bishop raj ne bhi shirkat ki.
Yaad rahay ke har saal mulk wo beron mulk se aanay walay aqeedat mand badi tadaad mein Medak church mein haazri dete hain. District superintendent police chandana deepti ne kaha ke taqrebaat ke douran church ke atraaf mein honay walay kisi bhi nakhushgawaar waqea ki rok thaam ke liye police ne security sakht kar di hai .
Alawa azeen multi national companiyon mein mulazmat karne walay mulazmeen ki ek badi tadaad bhi Medak ke church ka rakh kar rahay hain. is ke alawa shehar hyderabad ke noujawanoun ke groups bhi tafreeh ke liye bhi Medak charch ka rakh kar rahay hain lehaza is waqt Medak ka church Christmas ke taqarib ke alawa deegar mazahab ke afraad ke liye tafrehi maqam mein pehli pasand ban chuka hai.
Yaad rahay ke Medak ka yeh girja ghar revarnd charles walker posint ki nigrani mein banaya gaya tha. Woh 1895 mein secunderabad pohancha tha. Is ne pehli baar Bartanwi fojion ke sath trimulagarey mein khidmaat anjaam den. Fouj ke kaam se Adam itminan ne is ne gaon ka rukh karne par majboor kya. 1896 mein rio Charles waleker posnet ne Medak ka dora kiya Tha aur ek bangla taamer kiya Tha. Jab woh Medak pohancha to wahan ek chota sa makaan tha jis mein ibadat gaah thi. jaisay hi esaion ki tadaad mein izafah hua, is ne church ki imarat ko wusat dainay ki zaroorat ko mehsoos kya.