Mecca: Mecca Mukarramah Muncipality ne ek Maroof tijarti idaray ke karkun ke coronavirus mein mubtala hojane par al-kakiya muhallay mein company ki shaakh band kardi.
Website ke mutabiq house care company ki janib se bayan mein kaha gaya hai ke Al-kakiya ke tijarti markaz mein ek karkun ki baabat pata chala tha ke woh corona mein mubtala hogaya hai. fouri tor par hifazati karwai karte hue markaz ko band kardiya gaya. poooray markaz ko Sanitize kiya gaya aur karkunaan ka corona test karwaya gaya.
Company ne tavajja dilae ke Al-kakiya mein tijarti markaz mein ek karkun ki baabat pata chala tha ke wo corona mein mubtala hogaya hai. fouri tor par hifazati karwai karte hue markaz ko band kardiya gaya. poooray markaz ko sanitize kiya gaya aur karkunaan ka corona test karwaya gaya.
Company ney tavajja dilae ke al-kakiya mein tijarti markaz band karne ka faisla mulazmeen ki sahet wo salamti ki khatir kiya gaya. hamaray liye apne sarfeen ka mafaad muqaddam hai.
House care ney sarfeen ke istafsaar par ke al-kakiya mein tijarti markaz doobara kab khoola jayega, is sawal ke jawab mein kaha ke tijarti markaz ki bahaali ka faisla hotay hi ba-qaeda elaan kardiya jayega. –YTNSTAFF