Hyderabad: Siyasi leadron se awam ki mohabbat aur nafrat ek fitri amal hai lekin kabhi kabhi aisa hota hai ke yeh mohabbat aur nafrat kisi ko kabhi inaam aur kabhi saza dilwanay ka wajah ban jati hai aur aisa hi ek waqea Hyderabad may runauma hua hai jaha nou muntakhib mayor se walehana mohabbat aur unkay liye sadak par banner laganay ki wajah se jurmana ka saamna karna pada hai.
Tafseelaat ke mutabiq Hyderabad ke mayor Gadwal Vijaya lakshmi ke haami jinhon ne jubilee hills aur himayat nagar mein ghair qanooni banners lagaye, unhein mayor ban’nay par mubarakbaad paish ki, is par greater hyderabad municipal ke EVDM wing ne ek lakh rupay jurmana aayed kiya, Shehar ke mukhtalif hissounmay isi tarah ke banners aur hoarding lagan eke sath sath kuch doosre hamiyoun per bhi mukhtalif raqam jama karne per jurmana aaaed kiya gaya tha.
Mayor ke haami Ateesh Agarwal aur mayor ke dosray hamion ne mobayyana tor par Banjara hills road number 10 aur 12 aur jubilee hills samait kuch ilaqon mein banners aur hording lagaye thay. kuch shehrion ne social media par yeh ishara karte hue ke yeh ghair qanooni hain is ki shikayat ki jis EVDM banners ko hataane ke alawa jurmane bhi aaed kardiye hai.
EVDM ke notice mein kaha gaya hai ke jubilee hills mein zameen se 15 foot bulandi par ghair qanooni zakheera andozi ki gayi thi. darin asna unke pehlay sarkari taqreeb mein mayor Vijaya laxmi ne naib sadar M.venkaiah Naidu ko begumpet airport par istaqbaal kiya neez is mauqa par rukan-e-parliment Keshav rao aur wazeer e dakhla Mahmood Ali bhi mojood thay. yaad rahay ke nayab sadar jamhooria ki aamad ki wajah se begumpet aur iske atraaf ki sadkon par police bandobast ki wajah se traffic jaam rahi.