Hyderabad: Telangana ke IT wazeer KTR ne kaha hai ke Bhartia janata party ( BJP ) mulk ko hi farokht karne ki koshish kar rahi hai, agar usay mauqa mila to wo hyderabad ko bhi farokht kardeygi.
Hukmaran jamaat TRS ke party headquarters Telangana bhavan mein media se baat karte hue KTR ne kaha sab hi jantay hain ke BJP ko musalmanoun se kitni nafrat hai. kiya ye BJP nahi hai jisne lower sillur project ko AP mein zam kardiya. BJP jisne haal hi mein TRS ke khilaaf charge sheet jari ki thi jis mein un se 50 sawalaat puchye gaye thay.
BJP ki charge sheet par izhaar-e-khayaal karte hue KTR ne sawal kiya ke juaa ke club band karne par hamaray khilaaf charge sheet daakhil ki gayi? unhon ne kaha ke note bandi aur GST ke zareya lakhon chhootey taajiron ko sadkon par laya gaya hai kiya is par BJP ke khilaaf charge sheet dayer karna chahiye.? kisanon ko zarayi pump sets par meter laganay ka dabao dala ja raha hai kiya is ke liye BJP ke khilaaf charge sheet dayer nahi karna chahiye? aap bata sakte hain ke 6 saal mein BJP ne hyderabad ke sath kiya kiya?
kiya aap awaami shoba ki companiyon ko deegar afraad ke hawalay nahi kar rahay hain? kiya aap indian railway jo duniya ka choutha sab se bada railway network hai ko khangi idaron ke hawalay nahi kar rahay hain? kiya aap duniya ki sab se badi insurance company LIC jis ke 40 crore policy holders hain isko bhi khangiyana ki koshish nahi kar rahay hain?
Modi ke khilaaf charge sheet jari karne ki zaroorat hai kyunkay un par 6 saal mein 12 crore rozgaar ke mawaqay nah dainay ka ilzaam hai. KTR ne is yaqeen ka izhaar kiya ke is martaba bhi GHMC ke intikhabaat mein unki party pehlay number par hogi aur majlis dosray number par hogi.