Aurangabad: Delhi ke Nizamuddin waqay Tableeghi Jamaat Markaz mein huve jalsa ke baad Tableeghi Jamaat shadeed tanqeed ka nishana banaya gaya aur kayi jhooti khabroun ke zareya Tableeghi Jamaat ki Shabeeh kharab karne ki koshish bhi huvi jis ka silsila jari hai. Darin asna Jamaat ke sarbarah Maulana Mohammad Saad ko dehshat gard qarar dainay walay ek Dr ko Maharashtra Police ne giraftar kar liya hai.
Darasal Coronavirus ke qehar ke darmain Social Media par qabil aiteraaz Post karne aur afwaah phelanay waloun ke khilaaf sakht karwai karne ka faisla kayi reyastoun ki intizamia ne liya hai. Maharashtra mein bhi ghalat khabrain phelanay aur afwahoun ko farogh dainay waloun ke khilaaf karwai ki ja rahi hai. Isi ke tehat Maharashtra Police ne ek Dr ke khilaaf muqadma darj kiya hai.
Hindi News Portal mein shaya khabar ke mutabiq waqea Aurangabad ilaqay ka hai jahan ki City Police ne Social Media par mobayyana tor se ek qabil aitraaz pegham Post karne ke liye Dr ke khilaaf muqadma darj kiya hai. Bataya jata hai ke Dr ka naam Sambhaji Govind hai aur is ki omar 38 saal hai. Dr Sambhaji Aurangabad shehar ke Sedco ilaqa waqay Kamghar Chowk mein Kasmo Hospital chalata hai. –YTN STAFF