Riyadh: Duniya bhar mein ye mashhoor hai Muslim khawateen bawarchi khanah ki maher huti hain aur un ki janib se pakaye jaaney walay khanay kaafi lazeez hotay hain lekin ab aisa bhi dekhnay mein araha hai ke koi khatoun ne aalmi shohrat Yafta chef ko lazeez pakwaan ka challenge kardiya ho. jee haan! Ek Saudi khatoun ne Master chef ko kaleja pakanay ka challenge day diya hai. Tafseelaat ke mutabiq Buraydah ki Saudi khatoun Ummans ne International chef society ke chairman Thomas Gugler ko challenge kiya hai. Saudi khatoun ne kaha aap duniya ke maroof chef hain. Challenge karti hon ke aap mujh se ziyada lazeez Klejah bana kar deikhein. Klejah khaas qisam ka awaami Biscuits hai. Afghanistan mein usay Klejah kaha jata hai.
Saudi Arab ke maroof ilaqay Buraydah mein is ka salana mela lagta hai. Jahan shaiqeen hazaroun ki tadaad mein pahunchaty hain. Thomas Gugler ne challenge qubool karne se pehlay Ummans ka banaya huva Klejah chakkha. Is ki khusbhoo aur is mein shaamil ajza ka andaza lagaya aur phir kaha aap ne jo Klejah banaya hai wo umdah hai. Is ka zayega achcha hai. Jahan tak challenge ki baat hai to mein is se behtar bananay ki koshish karon ga. Wazeh rahay ke Ummans Buraydah mein Klejah melay mein apna Stall qaim kiye huve hain. Wo 30 baras se Klejah sameit mukhtalif awaami khanay tayyar karne ka tajurbah rakhti hain. Thomas aalmi shohrat Yafta chef hain aur Chef society ke sarbarah hain. Society ke membraan 13 Million se ziyada hain. Ummans ne kaha hai ke aalmi shohrat Yafta chef aur un ke hamrah wafad mein shaamil tamam logoun ko apne tayyar kardah Biscuits ( Klejah ) khilaye. Mujhe yaqeen tha ke jo shakhs bhi usay khaye ga wo mere hunar ki daad diye baghair nahi reh sakay ga.
Ummans ke mutabiq wo 10 baras ki omar se Klejah tayyar kar rahi hain. Ye hunar apni Maa se seekha hai. Wazeh rahay ke Saudi Arab ke shehar Al Qassim aur haail ki mashhoor soghaat ka naam Klejah hai. Ye ek qisam ka bada Biscuits hai jo mukhtalif tareeqoun se tayyar kiya jata hai. Saudi Arab mein Klejah tayyar karne ke mukhtalif tareeqay raaij hain. Har ilaqay ke rehaishi Klejah bananay aur khanay mein apni allag riwayaat rakhtay hain. –YTN STAFF