Computer programming, Software development aur Cyber security se mutaliq mashriq wasta ka sab se bada event ‘Hackathon Hajj’ unwan se ayindah itwaar ko Saudi Arab ke shehar Jeddah mein munaqqid ho raha hai. Event mein Information Technology ke shoba mein dilchaspi rakhnay walay 18 hazaar mahireen aur Software Develpor shirkat karen ge. Is ghayr-maa’mooli ahmiyat ke haamil event ka ineqad’ Saudi cyber Security, Programming and Drons Federation’ ki janib se kya gaya hai. Is event ke ineqad ka maqsad Saudi Arab mein Cyber Security ko behtar bananay ke sath sath hajj ke azeem mauqa ke liye bhi is se faydah uthana aur Hujjaj karaam ko behtar mawaslati saholaten muhayya karna hai. Hajj se chand haftay qabal is event ke a ineqaad ke zareya Ziyuf ur Rahman (aazmeen Hajj) ko jadeed tareen saholaten muhayya karne ke Saudi mission ko agay badhana, Saudi Arab mein Information Technology ke shuba mein honay wali taraqqi ko ilaqai satah par muta-arif karana, deegar mumalik ke haan tayyar kardah jadeed alaat se Saudi mahireen ko aagah karna aur dosray mulkon ke mahireen ke tajarbaat se istifada karna hai. yeh scienci wo tahqiqi event Saudi Hukoomat ke vision 2030 ke programat ka hissa hai. is mein shirkat ke liye ab taq 18, 000 afraad apni registration krachke hain. aalmi search engine ‘Google’ bhi is ki tarbiati workshop aur sar garmion mein hissa le gi