Dhaka: Bangladesh cricket team ke sabiq captain Mashrafe Mortaza ka corona test misbet aagaya hai. Bangladesh media ke mutabiq 36 sala mashrafe mortaza ne khud ko ghar par Qurantine karliya hai. yaad rahay ke Bangladesh mein naye coronavirus ke pehlay 3 mamlaat ki tasdeeq March mein hui thi.
Iske baad se ab tak wahan 88 hazaar se zayed shehri is mohalik virus se mutasir ho chuke hain jab ke yahi virus 13 June tak 1100 se zayed Bangladeshi bashindon ki jaan le chuka hai. wazeh rahay ke coronavirus pehli martaba guzishta baras decemeber mein guzishta baras decemeber mein Wuhan ki janwaron ki market mein samnay aaya tha jis ke baad sakht lockdown ki badolat china virus par qabu panay mein kamyaab raha. duniya mein is waqt coronavirus se sab se ziyada mutasir honay wala mulk America hai aur ab duniya bhar mein waba ke mamlaat ki tadaad 80 laakh se zayed hochuki hai jabkay 4 laakh 37 hazaar afraad luqmah ajal ban chuke hai. –YTNSTAFF