Hyderabad: Corona waba ki shiddat film industry ko bhi apni lapait mein le rahi hai. Haal hi mein super star Amitabh Bachchan is se mutasir honay ke baad robah sahet hue. 2 hidayatkar bhi is se mutasir hue taham taaza waqea mein mashhoor gulukar SP Balasubramanyam is se mutasir hue. Un mein corona ki alamaat payi gayeen taham unhoun ny kaha kay wo sahet mand hain aur loog un ki sahet ke baray mein fikar nah karen. Unhoun ny apne ek video payam mein kaha ke awam ku in ki sahet ki fikarmandi ki zaroorat nahi hai.
Hospital ke ward mein banai gayi is video mein unhoun ny kaha ke do teen dinon se wo be cheeni, sardi aur bukhaar ki alamaat ka shikar te taham wo is par koi khatrah mol nahi lena chahte they isi liye unhoun ny hospital jaaney ka faisla kiya jaha Doctors ny un ko mashwara diya ke wo ghar par hi Quarantine mein aram karen taham un ke khandan un ki sahet ke talluq se kaafi fikarmand hai isi liye wo hospital mein daakhil hogaye. Un ki sahet ke baray mein kisi ko bhi fikar karne ki zaroorat nahi hai. Wo 2 dinon mein hospital se Discharge ho jaien ge.