New Delhi: Asian Championships mein khawateen ke 800 Meter daod mein Gold medal jeetnay wali hindustani Athlete Gomathi Marimuthu par doping test mein nakami par 4 saal ki pabandi ayed kar di gayi hai jis ke baad un se gold medal wapas le liya jaye ga. Athletics Integrity Unity ke mutabiq 31 sala Runner par mamnou adwiyaat ke istemaal ki wajah se pabandi aed kar di gayi hai. Un ki moatali 17 May 2019 se hogi aur inhen guzashta saal 18 March se 17 May ke darmiyan 2 mah ki muddat mein tamam muqabloun se na ahal qarar diya ja chuka hai. Marimuthu ney guzashta saal April mein Doha Asian Championship mein khawateen ke 800 meter mein 2 minute aur 70 second mein muqaabla jeet kar gold medal haasil kiya tha lekin Doping ki wajah se un ka medal wapas le liya jaye ga. Pabandi ke baad ab wo sports salisi adalat mein faislay ki appeal kar sakti hain.