Jaipur: Ajmer ki tareekh mein aysa pheli martaba huwa hai jab mareez Quran-e-pak padhta raha aur Doctor ney Brain Tumor ka kamiyaab Operation kar diya. Jee haan, Ek Niji Hospital mein kiya gaya yeh kamiyaab Operation waqai apne aap mein ek misaal hai. Operation Theatre mein Quran padhta mareez aur is ka ilaaj karte Doctors dekhney aur sun-ney mein bhaley hi yeh aap ko banawati lagey lekin yeh sach hai aur yeh sab huwa hai Ajmer ke ek Niji Hospital mein.
Darasal, Mareez Abdul ko Brain Tumor tha aur is ki wajah se is ki sunne taqaat kam hoti ja rahi thi. Apni bemari ke baad woh Neurosurgeon Doctor Surya Chowdry ke paas pouncha. Jahan Dr Surya ney usay behosh kiye baghair is ka kamyaab Operation kar diya. Operation theatre mein doctor ney apni mehnat aur tajrubeh se mareez ko theek kar diya lekin mareez jis terha se Quran padhta raha woh dekhnay wali baat thi. Dr Surya bhi Media se baat kar te kaha ke halanke Science mein is terha ke waqea ko ziyada sanjeeda nahi mana jata lekin kahin nah kahin logon mein aqeedat rehti hai aur is se hi insaan ko taaqat millti hai. Abdul mukammal taur par ab sahet-mand hai aur usay hospital se discharge kar diya gaya hai. Operation ke baad logon neh Doctors ke team ki sataish ki.