Bangloru: Manglore Airport Bomb Case ke mujrim yahan is waqt giraftar kiya gaya, Jab wo shehar ke markaz mein Karnataka ke Director General Police ( DGP ) ke daftar mein daakhil huva.
Ek police afsar ne bataya 36 sala Aditya Rao peer ke roz Manglore bain ul aqwami hawai adday par ek desi sakhta dhamaka kheez aala ( IED ) ya kisi khaam Bomb ke sath ek bag rakhnay ka mulzim tha. Is ko Director General of Police ( DGP ) office mein khud supurd karne ke baad giraftar kiya gaya.
Ohdedar ne bataya” Rao ko check up ke liye sarkari Hospital mein le jayagya tha aur usay Manglore police ki transit tehweel aur tafteesh ke liye muqami adalat mein pesh kere gi“. Reyasti wazeer e dakhla Basavraj Bommai ne Media numaindoun ko bataya ke mulzim ko Halasuru Gate police station ke circle Inspector ne is waqt giraftar kiya jab is ne station ke qareeb riyasat ke DGP. IG ( Inspector General ) Neelamani Raju ke daftar mein khud supurd kar diya.
Bommai ne kaha ”Aisa maloom hota hai ke Bomb bananay ka samaan rakhnay walay mulzim ko Manglore hawai adday par Airline ( Indigo) ke daftar ke bairooni counter mein daakhil kiya gaya hai. Ibtidayi tafteesh ke mutabiq, Riyasat ke saheli ilaqay mein waqay Udupi ke rehne walay Rao, Raat bhar ek laree mein Bangloru se Manglore ka safar kiya aur Police mein khud supurd karne ka iradah kiya. -YTN STAFF