Hyderabad: Duniya bhar mein riyasat Telangana ke dar-ul-hukoomat Hyderabad ki tareekhi pehchan qilah Golkunda aur Charminar se hai lekin Charminar ke daman mein mutanazia Mandir ne kis terhan aalmi satah par Charminar ki hesiyat aur shanakht ko mutasir kiya hai is ka andaza khud mehakma Assaar e Qadima ke Telangana ki high court mein daakhil kardah arzi se hota hai jis mein mehakma ne wazeh kiya hai ke Mandir ki wajah se Charminar ko world Heritage ka muaqqaf haasil nahi ho raha hai.
Agar aap ke zehen mein koi shak o shubhat hain to ye phir kafi hai ke kis terhan Charminar ke daman mein mojood Bhagya Laxmi Mandir ki wajah se tareekhi imarat ko UNISCO ki world Heritage site ka muaqqaf haasil nahi ho raha hai. Mehakma Aasar e Qadimah ki janib se daakhil kardah halaf nama mein ye tafseelaat faraham ki gayi hain. Bhagya laxmi Mandir ki wajah se Charminar ku aalmi manzar namah par nuqsaan ho raha hai.
Angrezi roznama Indian Express ki ek taaza tareen khabar ke bamujab October 2019 mai Bhagya laxmi Mandir ke terasti ki janib se ek darkhwast reyasti high court mein daakhil ki gayi thi jis mein is baat ki ijazat talabb ki gayi thi ke Pandal ku Mandir se bahar bandhnay ki ijazat di jaye jis ke baad 20 December 2019 ku mehakma Aasar e Qdimh ki janib se ek jawabi halafnama daakhil kiya gaya tha jis mein high court ko ye ijazat nah dainay ki darkhwast ki gayi thi.
Is darkhwast mein ye kaha gaya hai keh Charminar ko tareekhi imarat ki ahmiyat haasil honay ke ilawa is ki wajah se duniya bhar mein tareekhi virsa ki fehrist mein riyasat Telangana ka bhi moqam haasil hai lekin Mandir ki wajah se aalmi satah par Charminar ke muaqqaf ko nuqsaan huva hai. Mehakma Aasar e Qadimah ke bamujab Bhagya Laxmi Mandir aur Charminar ke darmain kisi qisam ki koi khaali jagah nahi hai balkay ye Charminar ke sutoon ko laga kar banaya gaya hai. Darkhwast mein ye bhi kaha gaya hai keh mandir ke arbab o majaaz ki janib se jo daawa kiya gaya hai keh tareekhi imarat Charminar aur mandir ke darmain khaali jagah mojood hai ye bayan haqeeqat karne wala bayan hai.
Mandir ki karbakheryaal ko Charminar ki deewar se laga kar banaya gaya aur is se mandir ko sahara diya gaya hai jabkay junoob mashriqi sutoon ki deewar ko chheel kar mandir ko sahara diya gaya hai. Mehakma Assaar e Qadima ne apne halfana mein ye bhi kaha hai keh mandir ki ghair qanooni imarat hai lehaza usay mazeed wusat dainay ke liye mandir ke atraaf pendal ki ijazat nahi dainee chahiye.
Mehakma aasar qadimah ke bamujab Pendal aur mandir ki wajah se Charminar ki imarat mutasir horahee hai aur is ka nazarah bhi sahih andaaz mein nahi ho padha hai. Ye bhi kaha gaya hai keh tehwaroun ke mauqa par earzi Pendal ki ijazat dainee chahiye lekin ab ye mustaqil tor par tayyar karli gayi hai. High court ne is mauqa par ek aboori faisla sunaate hue sabiq Pendal ko tabdeel karne ki mashroot ijazat di thi aur kaha tha keh mojooda Pendal ki jasamat se naye Pendal mein izafah nahi hona chahiye. -YTN STAFF