Sri Ganganagar: Rajasthan mein zila Hanuman Garh ke Rawatsar qasbay mein Punjab se Mandir mein aashirvaad lainay aayi ek khatoon ki 1 shakhs ki janib se dhamki day kar esmatraizi karne ka maamla samnay aaya hai. Police ke mutabiq Punjab mein zila Moga zila ki rehne wali 25 sala mutasirah ne Police mein darj karai Report mein kaha ke is ki shadi ko 4 saal hogaye hain aur is ke aulaad nahi hai. Aulaad ki khawahish se wo Rawatsar ke Baba Khetarpal Mandir mein aashirvaad ke liye aati rahi hai.
Guzashta jumaraat ko wo mandir mein darshan karne aayi to wahan Mandir ke nazdeek Radha Krish nami shakhs se is ki jaan pehchan huvi. Mutasirah ne kaha ke wo gharoun mein bartan aur safai ka kaam karti hai. Mulzim Radha Krisha ne usay kaam dilanay keh kar Car mai bitha kar kisi eent bhatti par banay kamray mein le gaya jahan par usay jaan se maarny ki dhamki day kar is ki esmatraizi ki. Police ne maamla darj kar ke aaj mutasirah ka tibbi muaina karwaya. Police mulzim Radha Krish ki Mobile Phone Number se talaash kar rahi hai. Police jaye waqooa ka bhi pata laga rahi hai ke kon se eent Bhatti par is khatoon ki esmatraizi huvi hai. –YTN STAFF