Hyderabad: Green Zone mein dukanain khultay hi Shopping Malls apne sarfeen ko naye qawaid ke baray mein aagah karne mein taizi peda kar rahay hai. Hyderabad mein fashion aur khoubsurti ki pehchan Shoppers stop ney ek video jari kiya hai jis se sarfeen ko sahet mand aur mehfooz kharidari ko yakeeni bananay ke liye kiye gaye ahteyati iqdamaat par aatmad kiya gaya.
Green Zone mein Stores khulnay ke sath hi sarfeen hifazati usooloun ki paasdari karte huve ab Stores par kharidari kar saktay hain. Hifazati iqdamaat ke alawa tamam mulazmeen aur gahkoun ki Aarogya Setu Application ke sath laazmi indraaj, Tamam amlay ke liye Health Check up shaamil hain, Gahak Mask aur dastanay se lais hotay hue samaan khareed satke hain, Har Floor par Sanitizers dastyab hain, Virus se bachney ke liye koi samaan alooda nahi, Stores ke andar mojood masharti faaslay, Trial Room se tamam Garments ki safai, E Bills ke sath Contact less lain deen, Contact less delivery, godamoun ki safai mein WHO ke rehnuma usooloun par sakhti se amal kiya ja raha hai. –YTN STAFF