Hyderabad : Kul hind majlis ittehadul muslimeen ke Leader wo rukan-e-assembly Chandrayangutta Akbaruddin Owaisi ney riyasat-e-telangana mein Bharatiya Janata Party ko haraney ke liye musalmanoun se appeal ki hai ke anqareeb munaqqid honay walay baldi intikhabaat mein ”bhale hi Majlis kamyaab na ho, magar BJP ko kamyaab honay mat dijiye.Unhoun ney mangal ko ek awaami jalsa se khitaab karte hue yeh baat kahi.
Akbar Owaisi ney kaha ke ”ek waqt tha jab Nizamabad ke deputy mayor majlis se they. Magar ab woh BJP se Nizaamabad ke rukan-e-parliment hain, agar aap majlis ko kamyaab nahi karsakte to theek hai, magar BJP ko shikast do.
Akbar Owaisi ney kaha ke Nizamabad ki parlimani nishist jeetnay wali BJP mayor ke ohday par bhi qabza jama sakti hai. unhoun ney logon se muttahid honay ki appeal ki.
Owaisi ke is bayan ke baad BJP aur iski ittihadi jamaaton mein khalbali si mach gayi hai.
wazeh hoke haliya munaqqid hue lok sabha intikhabaat mein, riyasat ki 17 lok sabha nishistoun mein se chaar nishistein BJP ney jeeti hain. –YTN STAFF