Ayindah intikhabaat main Delhi, Haryana aur Punjab main Aam Aadmi Party aur Congress ke mafahmat karne ki qiyaas aarayyon ke douran Arvind Kejriwal ki peshkash.
New Delhi. Chief Minister Delhi o sarbarah Aam Aadmi Party Mr. Arvind Kejriwal ney aaj Delhi assembly main aik na qabil tasawwur wada kar baithy magar un ka yeh wada mashroot hai. Chief Minister ney elaan kya ke agar markaz ke zair e intizam ilaqa qaumi dar-al-hakoomat Delhi ko mukammal riyasat ka darjaa day diya jaye to un ki Aam Aadmi Party 2019 ke qaumi intikhabaat main BJP ke liye muhim chalaye gi. Mr. Kejriwal ney kaha ”main BJP se kehna chahta hon ke 2019 intikhabaat se qabal agar Delhi ko riyasat ka darjaa day diya jata hai to hum is baat ko yakeeni banayen ge ke Delhi ka har vote aap ke haq main jaye, hum aap ke liye muhim chalayein ge. agar aap aisa nahi karen ge to Delhi ke maken ”BJP Delhi chode day” kehte hue Boards lagayen ge.” yeh peshkash un paish qiyasion ke douran ki gayi ke Aam Aadmi Party aur Congress Delhi , Haryana aur Punjab main aindah intikhabaat ke liye mafahmat par ghhor kar rahay hain. Aam Aadmi Party ke aik qayed ke haal hi main kiye gaye tweet ke mutabiq dono partiyan rabita main hain taham dono partiyon main kisi aik janib se is ki toseeq ki nahi ki gayi thi. Mr. Kejriwal riyasat ke mutalba par aik khusoosi ijlaas ke douran ewaan se khitaab kar rahay they. yeh ijlaas jummay ko ekhtataam Pazeer hona tha magar paiir taq is main tosee ki gayi thi. Aam Aadmi Party jisay ewaan main ghalba haasil hai, Delhi ke liye kaamil riyasat ka darjaa dainay ka mutalba karte hue aik qarardad Manzoor ki hai. fi al-waqt Delhi ko sirf juzwi riyasat ka darjaa hi haasil hai jis ka matlab yeh hota hai ke ahem umoor jaisay zameen, law and and order police ka nazm o nasq markaz ke paas hi rahay ga. lieutenant governor Delhi main markazi hukumat ki numaindagi karte hain.