Yeh waqia itwaar ki subah Nawabpet mandal mein Marikal village ke qareeb paish aaya. Dehati village mein bomb dhamaka ki aawaz sun kar jaag uthhe.
Mahbunagar. Khazana ke mutlashion ney Murthi ke neechay khazana chhupa honey ki aas mein aik tareekhi Mandir mein Bashweshvara ke mujasma ko dynamite lagaakar dhamaka se uda diya. Yeh waqia Nawabpet mandal mein Marikal village ke qareeb itwaar ki subah awwaleen sa-aton mein paish aaya. Village mein bomb dhamaka ki aawaz sun kar dehati jaag uthhe aur dhamaka ke muqam par pahonch kar dekha ke Mandir mein Murthi ko dhamaka se uda diya gaya hai. Dehation ney police ko is waqea ki ittila di. Muqam e waqia par pahonchney par Police ney paaya ke badmashon ney jo muqam waqia se faraar honey mein kamyaab hogaye Basweshwara ke mujasma ko dynamite laga kar uda diya. Police ko shuba hai ke un badmashon ney mujasma ke neechay khazana chhupa huwa honae ki aas mein Mandir ko nishana baneya hoga chunkay yeh Mandir bahuat qadeem aur tareekhi hai. Police, khazana ke mutlashion ki talaash mein hai.