Mumbai : Maharashtra youth congress ne 21 october ko munaqqid honay walay assembly intikhabaat ke liye apna intikhabi manshoor jari kiya, jis mein taleem Yafta berozgaar noujawanoun ko mahana 5000 Rupay aur noukriyon mein muqami noujawano ko 80 feesad Reservation denay ka wada kiya gaya hai.
Mazkoorah manshoor mein yeh bhi wada kiya gaya hai ke ba-salahiyat muqami talba ko ghair mulki universition mein aala taleem haasil karne, taleemi qarzay maaf karne, aur mukhtalif ahliat rakhnay walay noujawano ko muft aala taleem ki farahmi ke liye sarkari wazifay dainay ka bhi wada kiya gaya hai.
Manshoor mein kaha gaya hai ke agar riyasat mein congress party ki zair-e-qayadat hukoomat Iqtidaar mein aayi to woh kisanoun ke bachon ki aala taleem ke liye qarzon ki zamin banjayegi.
Maharashtra youth congress ke sadar satiya jeet Tambe ne media numaindon ko bataya ke ”Wake up maharasthra, act today for your tomorrow” programm ke tehat 3 crore nojawan is se wabsta hain. Tambe ne kaha ke 30 September 2019 tak liya janey wala taleemi qarz maaf kar diya jayega. –YTN STAFF