Mumbai: Maharashtra may BJP ki sabiq Haleef Shive Sena ke sadar Uddhav Thackeray ne hafta ke roz BJP aur NCP ke ittehaad se bani hukoomat ke talluq se tanz karte hue kaha ke Raj Bhavan may subah ke waqt is din ki siyasi pesh raft Maharashtra may jamhoriat par ”Surgical Strick“ke mutradif hai.
Uddhav Thackeray ne kaha ”ham jo bhi kehte hain aur ya karte hain, din ke ujalay may aur khulay aam karte ya kehte hain. is terhan khufia tor par nahi. raat ke aakhri hissa may is terhan ki harkat ”riyasat may ek Surgical Strike hai.
Uddhav Thackeray, Maharashtra may BJP ke rehnuma Fadnavis ke achanak wazeer-e-Aala ka halaf laine aur Governor BS Koshyari ki janib se inhein subah 8 bajey halaf dilane aur Nationalist Congress Party ke rehnuma Ajit Pawar ke naib wazeer-e-Aala ban’ne ke baad is siyasi toofan ke barey may ek Press Conference may ye baat kahi
Uddhav Thackeray ne kaha ke ”ih jamhoriat ke mazaaq ke siwa kuch nahi hai. pehlay behar may, phir Haryana may aur ab Maharashtra may jo kuch huwa hai wo aeen ke mutabiq nahi hai.-YTN STAFF