Nashik ( Maharashtra ): Maharashtra ke Nashik zila ke Malegaon ke qareeb reyasti sarkari Bus aur ek Autoriksha mein honay walay haadsay mein halaak honay waloun ki tadaad 25 hogayi hai. Mangal ki shaam Maharashtra State Road Transport Corporation ki Bus aur Autoriksha, Masroof Malegaon-Deola Road par aek dosre se takraye, Jis ke baad dono gadiyaan nazdeeqi kove mein gir gayen. Jis mein 25 logoun ki mout hogayi aur se ziyada zakhmi ho gaye hain.
Police ne bataya ke zakhmion ko Local Hospital mein daakhil karaya gaya hai. Ittila milnay ke baad mauqa par pohanchi Police aur muqami logoun ne raahat o bachao ka kaam shuru kiya. Bachao muhim ke douran gayarah lashain kove se nikaali gayi hain. Zila hospital ki 5 Ambulance ko Surgeons ke sath maqam haadsa par bheja gaya hai.
Zaraye ke mutabiq, Maharashtra State Road Transport Corporation ki Bus Autoriksha mein musafiroun ke baare mein mukammal tafseelaat masool nahi hovi hain. Zaraye ke mutabiq bachao o raahat kaari ki teamoun ne kove se Bus aur Autoriksha ko nikaal liya hai.
Maharashtra ke wazeer aala Uddhav Thackeray ne mazkoreh waqay par izhaar afsos karte hue, Mehlokeen ke afraad khandan ko 10 lakh rupay muawza dainay ka elaan kiya hai. Wahein, Wazeer Transport ke sadar Anil Parab ne is haadsa par afsos zahir kiya hai. Aur unhoun ne kaha ke zakhmioun ke ilaaj ka poora kharch MSTRC uthayegi. Police haadsay ki wuju haat ki tehqiqaat kar rahi hai. –YTN STAFF