Sunday, October 17, 2021
Home Jurm Maharashtra ATS ne Mumbai se satwa dehshat gard giraftar kiya

Maharashtra ATS ne Mumbai se satwa dehshat gard giraftar kiya

Mumbai: Maharashtra anti terrorist sqaud (ATS) ne Delhi police ke special cell ne Hindustan ke muqtalif hisson se 6 inteha pasando ko giraftar karne ke 4 din baad Mumbai ke jogaishwar nawahi ilaaqe se ek dehshat gard mulzim ko hirasat mein liya hai. Fehrist mein taza tareen mushtaba fard jiski shanaqt Zaker ke taur par ki gayi hain. Pakistan mein qayem dehshat gardi ke madiyul ki mazeed tehqeeqat ke liye Delhi le Jaya jaeiga jo ke mafroor Mafia don dawood Ibrahim kaskar par mushtamil hai jo is waqt Pakistan mein muqeem hai.

Yaha is baat ka tazkira bhi ehum hai ke is hafte ke shuroo mein delhi police ki ek sansani khaiz karwayi mein giraftar kiye gaye 6 dehshat gardon mein se kam az kam do Pakistan mein tarbiyat yafta the aur unho ne mubeena taur par mulk mein dehshat gard hamlon ki sazish ki thi giraftar shuda afraad ko qaumi darul hukoomat ki ek adalat mein paish kiya gaya jisne Wednesday ke roz unhe 14 roza special cell ki tehweel mein de diya.

Maharashtra ATS ke sarbara viniyat Agarwal ne wazeh taur par kaha tha ke Delhi police ki jaanib se dehshat gardi ke madiyul ke khatme ke baad Mumbai mein koe recovery nahi ki gayi aur na hi riyasat mein aslah ya dhamaka khaiz mawad mila.

Alwaa azeen 47 salaa Mohammed Ali shaikh jinhe delhi police ne kota railway station se us waqt giraftar kiya jab woh Delhi ja rahe the woh maharashtra police ki nazron mein the kyun ke unke dawood Ibrahim gang se rabte the. Riyasati insedad dehshat gardi iskuwad ATS ko in par shak hone se in par nazar rakhi jarahi thi. Neez kaha gaya hain ke Mumbai mein koe dhamaka khaiz mawad ya hatiyar nahi laaye gaye aur riyasat aur shehar dono bilkul mehfooz the