Mumbai: Maharashtra ke Maha Vikas Aghadi ( MVA ) ke wazeer-e-Aala Uddhav Thackeray aaj hafta ko Assembly mein floor test hoga. Ittila ke mutabiq floor test do pehar ke baad hoga. Reyasti Governor Bhagat Singh Koshyari ne Uddhav Thackeray ko aksariyat saabit karne ke liye 3 Decemeber tak ka waqt diya hai. Uddhav Thackeray Maharashra Assembly ki 288 nashistoun mein se takreeban 165 arkaan Assembly ki mushtarqa taaqat ke sath, Hafta ko floor test mein kamyabi ke liye par aetmaad hain.
Jumaraat ko Uddhav Thackeray ne wazeer-e-Aala ki hesiyat se halaf liya aur jummay ko is wizarat ka charge sambha liya. Shive Sena. Nationalist Congress Party aur Congress Party aur kuch dosray itihadiyoun ne mil kar 165 ka hindsa uboor karliya hai, Jo ek saada aksariyat ke liye darkaar 145 se ziyaan da hai.
Naye NCP ke wazeer Chhagan Bhujbal ne kaha ”hamare paas 165 se ziyada arkaan ki himayat wali aksariyat hai. Hum aaj ewaan mein aasani se apni aksariyat saabit kar den ge“.
NCP ke Senior Leader Dilip Walse Patil ko jummay ko Maharashra Assembly ka Proteam speaker muqarrar kiya gaya hai, Wo BJP ke Kalidas Kolambkar ki jagah len ge, Jinhein is se qabal arakeen Assembly ko halaf dilanay ke liye Proteam speaker muqarrar kiya gaya tha. Nayi hukoomat mein floor test ke baad, Muqananah ke surmaee ijlaas se qabal qanoon saaz Assembly ke naye speaker ka intikhab kiya jaye ga. –YTN STAFF