New Dehli: Supreme Court ne charshumba ko BJP karkun ki taraf se Shive Sena ki janib se Maharashtra mein hukoomat bananay ke liye Congress aur Nationalist Congress Party ke sath ittehaad karkay aetmaad ki khilaaf warzi karne ka ”Maha Vikas Aghadi par iljaam lagatay hue daakhil ki gayi darkhwast par faori samaat karne se inkaar kar diya.
Charshumbe ko no muntakhib arkaan Assembly ki halaf bardari taqreeb ka din ke aaghaz mein Protem Speaker Kalidas Kolambkar ki halaf bardari se huwa. Is halaf bardari taqreeb ka barah-e-raast Telecast kiya gaya. Jis ka Supreme Court ne mangal ko hukum diya tha. Umeed hai ke halaf bardari taqreeb shaam tak ekhtataam ko puhanche gi.
Wazeer-e-Aala ke ohday ke umeed waar Uddhav Thackeray, Jo muqananah ke kisi bhi ewaan ke member nahi hain, Wo 28 November, Jumaraat ki shaam 6:40 bajey Shiwaji Park mein munaqidah ek taqreeb mein wazeer-e-Aala ke ohday ka halaf len ge.
Shive Sena. Nationalist Congress Party. Congress ke aala qaideen ne Shive Sena ke sarbarah Uddhav Thackeray ko no tashkeel shuda” Maharashtra Vikas Aghadi ke Leader muntakhib kar liya. – YTN STAFF