Kolkata: Hindustan ke markazi wazeer-e-dakhila Amit Shah ne Kolkata ke dora par aaj kaha hai ke hai ke 2021 Assembly intikhab mein BJP do tahai aksariyat ke sath hukoomat banaye gi. Maghribi Bengal ke zila Bankura mein inqalabi quied barsa munda ke mujasmay par golhey aqeedat pesh karne ke baad Amit Shah ne kaha ke Bengal mein BJP ke tain awaami maqboliat nazar aarahi hai is se yeh qawi imkaan peda hogaya hai ke aglay saal Assembly intikhab mein tabdeeli zoor hugayi aur Mamata Banerjee ka zawaal yakeeni hai. Wazeer-e-Azam Narendra Modi ki qayadat mein maghribi Bengal ko sunehri Bengla mein tabdeel kar dein ge.
Shah ne mazeed kaha ke Mamata Banerjee ghareebon ke liye markazi hukoomat ki tamam schemes ko rokk chuki hain. Ayushman Bharat jaisi maqbool scheme se bhi awam ko mahroom kardiya gaya hai aur kisanon ko fund nahi mil raha hai. Markazi hukoomat ki 80 aisi Schemes hain jisay Bengal ne rokk diya hai. Alawa azeen agar Mamata Banerjee markazi Schemes ko rokk kar woh yeh samjhti hain ke Bengal mein BJP ko rokk len gi to woh ghalti par hin. BJP yaqeenan do tahai aksariyat se 2021 mein Bengal mein hukoomat banaye gi.
Amit Shah aaj subah Bankura puhanche aur zila ke Phoolbagan mein Birsa Munda ke mujasmay par haar dala aur is ke bad Jangle Mehal Bankora, aur Midnapore azlaa ke BJP karkunaan ke sath ijlaas kiya. Ijlaas ke baad Amit Shah se Bankura police station ke tehat waqay Chatardahi gavo ka dora kiya aur yomiya mazdori karne walay Santhali khandan ke bi bishn manndi ke ghar dopehar ka khana khaya.