Hyderabad. Madina Education and Welfare Society 6th September barooz jumeraat Lateefuddin Hall, Madina Public School, Himayat Nagar mein 10:30 am ko Madina Degree College and PG College ki Silver Jubilee taqreeb munaqqid kar rahi hai. Secretary Society janaab K.M Arifuddin ney bataya ke jumeraat ki yeh taqreeb saal bhar munaqeed ki janay wali taqarib ka aaghaz hai. General Secretary Telangana Rashtriya Samiti Dr. K Kesahv Rao mehmaan e khusoosi hon ge, unhi ke hathon 1994 mein Degree College ki imarat ka iftetah amal mein aaya tha. Taqreeb ki sadarat Deputy Chief Minister Mr. Mahmood Ali karen ge. Mudeer roznama Siasat janab Zahid Ali Khan aizazi maheman hon ge.