Lucknow : Uttar pradesh police ne un logon ko hirasat mein lena shuru kiya hai, jo haftah ki raat se hi yahan clock tower ke ehtijaj ke muqam par moujood they. Hafta ki shaam laathi aur Rifle se police ehalkaron ke ek badey hujhoom ne tower ka gherao kiya aur shaam ko baad mein un afraad ko hirasat mein lena shuru kiya.
Unhon ne muzahireen mardoun aur ladko ko utha lena shuru kiya. Ehtijaj ki jagah se smriti gupta ne bataya ke woh gadiyon ko bhi utha
kar police station mein le ja rahay hain. unhon ne ilzaam lagaya ke police wen mein daakhil honay walay logon ko bhi thapad mare gay aur gaaliyan di gayeen.
Baad azan, jab un afrad ko police ne hirasat mein liya, muzahireen ne ”sarkar se hamein bachaye jaise naaray laganay shuru kar diye. zaraye ke mutabiq, ye crack down itwaar ko yom-e-jamhooria ki taqrebaat aur aindah haftay shuru honay walay aindah difai numayesh ke pesh-e-nazar kiya ja raha hai.
Deputy commissionaire police ( DCP ) vikas Chandar pathi ne kaha ”ek aurat aur saat mardoun ko tehweel mein liya gaya hai “. Un ka kehna tha ke inhen is liye girftar kiya gaya hai ke woh police ke liye rukawat paeda kar rahay they. unhon ne kaha ke ”Unhoun ne baghair kisi ijazat ke jummay ko juloos nikala aur hum ne is ke liye 10 namz daal aur 100 na-maloom afraad ke khilaaf FIR darj ki hai.
DCP ne ye bhi kaha hai ke girftar honay waloun mein Delhi ke jamia nagar ka ek nojawan bhi shaamil hai, jo shayad logon ko mushtael karne ki koshish kar raha tha. Muqami police force ( RAF ) ko ehtajaji maqam par tainat kiya gaya hai. –YTN STAFF