London : Ireland ki team jo kay ICC ki mustaqil rukan honay ke baad England ke khilaaf Lords ke tareekhi maidan mein test muqaabla mein shirkat karte hue ek aur sang mil uboor karegi.
Ireland jis ne guzashta baras hi apne test career ka aaghaz kiya hai taham usay Dublin mein khailay gaye apni tareekh ke awleen test muqablay mein Pakistan ke khilaaf shikast bardasht karni padi thi jiske baad usay Afghanistan ke khilaaf bhi shikast bardasht karni pari halaanke Afghanistan ko bhi Ireland ke sath hi test muaqqaf diya gaya tha.
Rawan sadi mein Ireland aisi Maroof team honay ka aizaz haasil kiya jis ne 2007 may Pakistan aur 2011 ke world cup mein England ko shikast di hai. ODI khailnay wali kisi bhi team ke liye test aik khawab hota hai aur Ireland ki team ko Lords ke maidan par maizban England ke khilaaf test khailnay ka mauqa mil raha hai halaanke woh world cup mein rasai haasil nahi kar payi thi kyunkay world cup ko is martaba 10 teamon tak mehdood kardiya gaya tha. doosri janib England jis ne 44 sala ODI tareekh mein pehli martaba world cup haasil kiya hai.
Ireland mein cricket 19 win sadi mein hi maqboliat haasil kar chuki thi. taham is team ko haliya barsoun mein kaafi shohrat mili hai jis ne England aur Pakistan jaisi teamon ko shikast day kar apni salahiyaton ka loha manwaya hai. Ireland ki team mein mojood kayi khiladi ka cricket ke alawa muqami gharelo cricket mein bhi taweel tarz ke muqablay khail chuke hain. Ireland ke khiladion ke liye yeh kisi khawab se kam nahi hoga ke Lords ke maidan mein maizban team ke khilaaf test match khailay jabkay world cupp jeetnay wali english team mein kayi ahem khiladion ko aaram diya gaya hai jis mein fast bowler Jofra archer all rounder Ben stokes aur batsman Joss butler qabil-e-zikar hain. ODI ke captain eoin morgan jo test nahi khailtay hain unke maqam par un ke naib captain joe root test ke quied hain jin ki sarparasti mein duniya ke number ek bowler james Anderson aur stuart broad maheman team ke liye masail paeda karne ke liye kaafi hain. alawa azeen joson roy ko test career ke aaghaz ka mauqa mil raha hai. –YTN STAFF